Đơs tàm dơ̆ tìp mat, Thứ trưởng Ƀộ Kwang àng ồng Trần Quốc Tỏ đơs nền, 75 nam do, mpồl kwang àng làng bol sùm dòn song mờ Đảng, Dà lơgar mờ Làng bol,pơnđơl pràn lơh ngan, lơh ngan lơh sir jak ngan kơnòl broă cíñ trị geh jàu; gàr kơ̆ gơnoar broă rcang lài lơh broă kwơ màng, sền gàr kơ̆ kơljap lơngap lơngai Dà lơgar, gàr geh rơndap tap sèng, lơngap lơngai mpồl bơtiàn, ờ lời gơ tìp rơmơ̆p ndơl, nisơna, pơgồp bơnah uă ngan tàm broă lơh jat kơnòl broă bơtàu tơnguh lơh sa, bơta niam chài, mpồl bơtiàn mờ lơh broă mờ lơgar ndai bơh dà lơgar dê.

Tềng đap ală bơta gơlik geh bơh ală bơta mờ ală broă geh ai tơlik tàm tơngai tus sồr tơl nă kwang bàng, cau ling dờp gơnoar lơh broă lơh bơt bơtàu Mpồl Kwang àng Làng bol sùm bơsram, tơnguh uă bơta chài bè tơl bơta, sùm sền is, lơh niam is, bơsram tàp jat bồ tơngoh, nùs nhơm, broă lơh mờ rài kis Hồ Chí Minh dê; jơh nùs, jơh bơta pràn drơng broă Dà lơgar, drơng broă làng bol.