Trung tướng ồng Nguyễn Doãn Anh, Kwang bàng Đảng Dà lơgar, Phó Kwang atbồ pơlam broă ling klàng làng bol Việt Nam tus đơng lam tơn dơ̆ pơlam tàp tàm càr Dăk Lăk. Tơngume dơ̆ pơlam tàp là bơsong broă pơn yơu ờ ngan lơh tơn rah mpồl cau tơrgùm uă tìs mờ adat boh lam, dră wơl mờ cau lik dră tàm gùng sơrlồng sơrlàng, jòi rồ bồm mền, bơsong dà sơnơm khih, dong kờl rềs àr mờ kŭp bol sò tơm iơh bơsak, dong klàs cau gơtìp kŭp ris tàm Anih ơhò ơm Cát Tiên Sa, Ƀlàng rơndeh par Đà Nẵng mờ Anih pơtơlik jơnau đơs mờ sơñio rùp càr Dăk Lăk dê.

Jơnau pơn yơu ờ ngan tàm càr Dăk Lăk là broă mpồl cau sò tơm iơh bơsak mut, kơryan jơh tơl nă kwang bàng, cau lơh broă tàm Anih pờ tơlik jơnau đơs mờ sơñio rùp càr dê. Bol khi bơklơn cau lơh broă pờ jơnau yal rơ̆p lơh gơlừ gơnoar atbồ, tơlik mat dà lơgar tơn pồ is. Tŭ hơ̆ mơ, Ƀiñ củng Đặc kông mờ ală mpồl ling tàm càr Dăk Lăk lam lơh ală broă lơh ờs mờng gơ sơ̆t mpồl sò tơm iơh bơsak mờ tơngklàs cau gơtìp kŭp rìs.