Ƀộ Lơh sa mờ măi mok mờ kă bro phan mờ lơgar ndai lơh broă mờ kwang đơng lam bồ càr Kon Tum
Thứ năm, 15:21, 08/08/2024
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Mho ngai 7/08, Mpồl lơh broă bơh Ƀộ Lơh sa mờ măi mok mờ kă bro phan mờ lơgar ndai bơh Ƀộ trưởng ồng Nguyễn Hồng Diên lơh kwang atbồ mpồl neh lơh broă mờ kwang đơng lam bồ càr Kon Tum bè bơta lơh sa mờ măi mok mờ broă lơh kă bro; bơta lam lơh jat rơndăp ù tiah gah dà lơgar tàm gah năng lượng, phan tàm ù tiah.
Đơs tàm dơ̆ lơh broă, ồng Nguyễn Hồng Diên đơs là, bơdìh mờ cồng nha neh lơh geh, càr Kon Tum gam uă kal ke gơ lam tus ală bơta ờ pràn tàm broă lơh jat ală jơnau kờñ, kơnòl broă.
Bè kơnòl broă tàm tơngai tus, ồng Nguyễn Hồng Diên sồr càr Kon Tum lam lơh jat geh cồng nha ală gùng dà broă lơh bơh Đảng, Dà lơgar bè bơtàu tơnguh lơh sa- mpồl bơtiàn tàm nam 2024 mờ ală nam pơn jat tai, ngan là bàr pe broă dong kờl pa geh lơh jat bơh ngai 01/08, hơ̆ là Adat ù tiah, Adat hìu ơm, Adat kă bro ù tiah hìu đam..., is ồn là broă dong kờl kă bro ồs đèng tơn, broă dong kờl pơn jờng lơh uă ồs đèng mat tơngăi crăp tềng hơđang rơkàng hìu.
Viết bình luận