Tàm pơrjum, kwang đơng lam bồ Sở nội vụ bơh uă càr, ƀòn dờng tàm gùt lơgar dê jờng rơ broă lơh đơng lam, sồr lơh bơh Ƀộ dê tàm ală broă tờm, ngan là broă rơndap tap sèng ù tiah kâp kơnhoàl, kâp xã. Kuơmàng, uă càr, ƀòn dờng gơ wèt mpồl geh rơndap tap sèng sền gròi ngan tus broă ai jơnau đơs làng bol bè mat sơnđan ù tiah pa den tàng dờp geh bơta ring bal uă. 

Tŭ do, geh 28 tàm 53 kơnhoàl, xã gơ wèt mpồl geh rơndap tap sèng neh lơh gơs broă lơh nền. Jơh gùt gah Nội vụ gam pơn jat tai lơh jat jơnau lơh nền broă lơh bơh Đảng dê tàm rơndap tap sèng tàm dơlam ală kơnhoàl, xã mờ mpồl lơh broă dà lơgar bơh ƀộ, gah broă lơh càr, ƀòn dờng dê. Tàm tơngai gam wơl nam dê, mò Phạm Thị Thanh Trà sồr tơrgùm uă ai 2 kơnòl broă dờng là rơndap tap sèng ù tiah kâp kơnhoàl, kâp xã, dilah tiah lơi ờ lơh gơs pal kong kơnòl tềng đap dà lơgar; sồr tàm nam 2024 do pal lơh gơs.