VOV4.K’ho- Ƀộ Nội vụ pa sồr tơmŭt bal uă kụk, vụ bơh Ƀộ Y tế, Ƀộ Nông nghiệp mờ Phát triển Nông thôn. Ƀộ Nội vụ ring bal mờ jơnau sồr bơh Ƀộ Nông nghiệp mờ Phát triển Nông thôn dê bè broă pồ tơl rơndăp tăp sèng mpồl kwang bàng geh kờp jơh 27 anih, tàm hơ̆ geh 21 anih lơh broă sră pơ àr mờ 6 anih lơh broă ờs mờng dà lơgar dê crơng gơs. Mờ Ƀộ Y tế, gàr wơl bè ờs 12 mpồl lơh broă geh gơnoar broă ătbồ dà lơgar; tơmŭt bal, rơndăp wơl 8 vụ, kụk, tổng kụk.

Lài hơ̆ tàm bồ nhai 03 nam do, Thủ tướng Cíñ phủ sồr ală ƀộ, ngàñ mờ ală tiah lơh jơnau rơcăng cih kơrnoăt cih gơnoar broă, kơnòl broă, gơnăp gơnoar mờ rơndăp wơl mpồl lơh broă bơh anih lơh broă he dê pơyua Ƀộ Nội vụ, Ƀộ Tư pháp in lùp sền nền, dan mờ Cíñ phủ sền swì, lơh nền tàm nhai 03 nam do. Mơya, jăt Thứ trưởng Ƀộ Nội vụ ồng Nguyễn Duy Thăng yal, broă rơndăp tăp sèng mpồl lơh broă, cau lơh broă là broă mhar ngan gơrềng, kal ke ngan kờñ pal geh tŭ jiơ sền swì nền den tàng geh pơyua mờ Cíñ phủ in dan sền swì tàm tơngai tus.

Cau mblàng Lơ Mu K’Yến