VOV4.K’ho- Mho ngai 06/02 tàm Trung đoàn 916, Sư đoàn Ling rơndeh par 371, Quân chủng Rơcăng gàr kơlwàng trồ Ling rơndeh par, rlau 5 rbô tờm chi neh geh tam tàm Dơ̆ hòi jà tam chi sùm sùm kah dà kơlhề Bác Hồ, lơh jăt broă lơh tam dùl tơmàn tờm chi- tài dùl Việt Nam tơlir nam 2022 bơh Ƀộ Quôk phòng bơyai lơh. Hòi jà sa tềp tam chi, Đại tướng ồng Phan Văn Giang, Ƀộ trưởng Ƀộ Quôk phòng đơs loh, nam 2022, jơh gùt ling klàng lơh ngan tam geh 3 tơlak 300 rbô tờm chi rah rài mờ rlau 2 rbô 400 lồ brê.

Nàng lơh gơs jơnau kờñ Ƀộ trưởng Ƀộ Quôk phòng ồng Phan Văn Giang sồr ală anih lơh broă, ală mpồl ling pơn jăt tai lơh niam rlau tai broă lơh mblàng yal, bơto yal bơto bơtê, tơnguh uă bơta gĭt wă tàm jơh gùt ling klàng bè gơnoar broă, bơta gơtha bơh broă tam brê dê, broă lơh sền gàr brê, sền gàr tiah ơm kis ƀòn lơgar brê bơnơm, lơh gơlik geh srơh jrô ơnàng tàm jơh gùt ling klàng, pơgồp bơnah tơrmù bơta gơrềng bơh tam gơl trồ tiah dê, tơnguh uă bơta niam rài kis.

Cau mblàng Lơ Mu K’Yến