Tàm Hìu Năc Cíñ phủ, Ƀộ trưởng Ƀộ Cribơyai broă mờ lơgar ndai ồng Bùi Thanh Sơn neh cribơyai mờ Ƀộ trưởng Ƀộ Cribơyai broă mờ lơgar ndai lơgar Chile. 2 nă Ƀộ trưởng neh yal bal bè ală bơta tơl lơgar dê, cribơyai ală gùng dà broă lơh, broă lơh sơlơ tơnguh tai bơta gĭt gơ̆p lơh broă bal tơl làm Việt Nam mờ Chile,  ală broă tàm tiah do mờ ală lơgar sền gròi bal.

Bàr gah neh cribơyai mờ ring bal bàr pe broă lơh nàng kờñ pơn jat tai lơh jrô uă rlau tai bơta gĭt gơ̆p đah 2 lơgar dê tàm tơngai tus, geh broă pơgồp bal rơndăp tăp sèng mờ rcang ai ală dơ̆ còp kấp dờng, lơh jat geh cồng nha ală broă lơh tàm lùp lăp bal cíñ trị mờ Mpồl duh broă Kă bro khat gơboh Việt Nam mờ Chile, pơgồp bal tă bơsong ală kòl yan tàm bơta gĭt gơ̆p đah 2 gah mờ lơh geh ală bơta tus bal tàm drà kă bro ai ală phan bơna bơh jơh 2 gah dê.