Tàm dơ̆ cri bơyai, Ƀộ trưởng Ƀộ Kwang àng ồng Tô Lâm mờ Ƀí thư dơ̆ dùl Đoàn ơruh pơnu Kộng sản Hồ Chí Minh Dà lơgar neh iăt mờ hơ mblàng ờ uă broă geh đoàn viên, ơruh pơnu Kwang àng đơs bè: Broă tam gơl sồ tŭ do; kơrnoăt pal jăt ai mpồl Kwang àng xã; broă gơrềng tus mờ dong kờl ơruh pơnu là cau ling tàm Kwang àng làng bol gơtùi geh bơsram broă lơh, pơlam yal broă lơh tơnơ̆ mờ tŭ neh jơh kơnòl ling.

Ƀộ trưởng ồng Tô Lâm đơs là, di lah Ƀộ Kwang àng, Đoàn ơruh pơnu Kwang àng Làng bol ờ lam lơh, ngui tam gơl sồ den gơtìp kal ke ngan tàm broă lơh jăt kơnòl. Gam Ƀí thư Dơ̆ dùl Đoàn ơruh pơnu Dà lơgar bi Bùi Quang Huy den pà git, tŭ do, Đoàn ơruh pơnu Dà lơgar gam ngui tam gơl sồ tàm ală kấp, ƀộ đoàn nàng geh zữ liệu, jơnau tơngit dong kờl, dong kờl ală cau ling neh jơh tơngai lòt ling.