Tàm dơ̆ wă rò, Ƀộ trưởng Ƀộ Kwang àng ồng Lương Tam Quang pà gĭt, tơngai do, gĭt gơ̆p 2 gah đah Việt Nam mờ Mỹ neh geh uă broă bơtàu tơngguh uă ngan. Is ồn pa do, di dơ̆ Kwang ătbồ lơgar Mỹ ồng Joe Biden còp lơgar Việt Nam, lơgar Mỹ mờ Việt Nam neh tơngguh broă gĭt gơ̆p gơguh tus Tam klăc lơh broă bal Jŏ jòng tơl làm. Lơh broă bal tàm broă lơh sa, kă bro phan, bơcri priă đah Việt Nam mờ Mỹ pơn jăt tai là bơta pơnrơ, là broă kwơmàng mờ gơn kơnờm ngan ngồn tơngguh gĭt gơ̆p 2 lơgar.

Ƀộ trưởng ồng Lương Tam Quang kơ̆p kờñ, Mpồl duh broă Lơh sa mờ măy mŏk Măy mŏk yal tơnggĭt jơnau lơgar Mỹ, mờ gơnoar broă là mpồl geh bơngă pin dờn mờ geh broă gơrềng bơh lơgar Mỹ dê, tơrgùm ală kông ty khà dùl dunia bè măy mŏk yal tơnggĭt jơnau mờ mblàng yal jơnau, kờñ pal pơn jăt tai lơh niam rlau tai gơnoar broă là mpồl cau lơh kòn gùng đah Cíñ phủ mờ mpồl lơh sa kă bro 2 lơgar dê nàng chồl tơngguh lơh broă bal lơh sa, kă bro phan, bơcri priă đah 2 gah, is ồn là bơcri priă bơh ală mpồl lơh sa kă bro măy mŏk yal tơnggĭt jơnau khà dùl lơgar Mỹ dê tàm Việt Nam.