Đại tướng ồng Tô Lâm, Kwang bàng Ƀộ Cíñ trị, Ƀộ trưởng Ƀộ Kwang àng đơng lam dơ̆ wă rò. Tơnơ̆ dơ̆ wă rò, Ƀộ trưởng Ƀộ Kwang àng ồng Tô Lâm mờ Kwang đơng lam bồ lơh jat adat boh lam lơgar Iran ồng Ahmad Reza Radan neh lơh dơ̆ pơrjum cribơyai.

Nàng pơn jat tai ai bơta gĭt gơ̆p lơh broă bal đah Ƀộ Kwang àng lơgar Việt Nam mờ Ƀộ Lơh jat adat boh lam lơgar Iran ngai sơlơ bơtàu tơnguh ngan ngồn, mut lơh broă jrô ơnàng làm uă, 2 gah ring bal sơlơ tơnguh broă lơh tàm pơgơl mpồl kwang bàng ală kấp, kwơ làng tàm pơgơl mpồl kwang bàng kấp dờng nàng kờñ jòi gĭt jơnau kờñ, bơta ƀuơn, bơta pràn đah 2 lơgar dê tàm gah lơngăp lơngai, rơndăp tăp sèng; sơlơ tơnguh tàm yal tơngĭt bal jơnau yal mờ sơlơ tơnguh pơgồp bal lơh broă, kwơ màng là jơnau yal bè bơta tàm dunia mờ tàm tiah do dê mờ 2 gah sền gròi bal, pơgồp bal bơsong ală cau lơh tìs gan Dà lơgar, cau lơh tìs geh gơrềng tus làng bol 2 lơgar dê.