VOV4.K’ho - Ngai òr (17/02), tàm Hà Nội, Ƀộ Kwang àng bơyai lơh pơrjum tam jào Mpồl lơh broă Cíñ phủ lơh jăt rơndăp broă “Tơnguh bơtàu ngui dữ liệu bè làng bol, tơlik măt mờ sền nàng git mờ điện tử drơng broă tam gơl số dà lơgar tơngai bơh nam 2022 tus 2025, wèt tus nam 2030” (gam sơnđan là Rơndăp broă sồ 06 bơh Cíñ phủ dê).

Đại tướng ồng Tô Lâm, Ƀộ trưởng Ƀộ Kwang àng đơng lam pơrjum, jơnau đơs tàm pơrjum neh sồr ală kwang bàng tàm Mpồl lơh broă lơh jăt nền nòn rơndăp broă lơh nàng lam sồr, đơng lam nền nòn, lơh ngan lơh gơs ală tơngu me broă lơh di jăt mờ tơngai geh ai. Ƀộ trưởng ồng Tô Lâm sồr ală kwang bàng tàm Mpồl lơh broă gơwèt Văn phòng Cíñ phủ pơn jăt tai lam sồr ală ƀộ, gah lơh broă dà lơgar, ală càr, ƀòn dờng bơ̆t bơtàu Rơndăp broă lơh jăt Rơndăp broă mờ crơng gơs mpồl lơh broă lơh jăt rơndăp broă jăt jơnau đơng lam bơh Phó Thủ tướng ồng Vũ Đức Đam dê.

Cau mblàng Ndong Brawl