VOV4.K’ho- Ngai 18/04, tàm Hà Nội, Mpồl đơng lam tơn jơh 10 nam lơh jăt Kơrnoăt Dà lơgar 8 khoă XI bè Broă lơh sền gàr Dà lơgar tàm tŭ tơngai pa bơh Ƀộ Kwang àng dê bơyai lơh pơrjum dơ̆ sơnrờp. Đại tướng ồng Tô Lâm, Ủy viên Ƀộ Cíñ trị, Ƀộ trưởng Ƀộ Kwang àng, Kwang ătbồ Mpồl đơng lam neh đơng lam dơ̆ pơrjum.

Đơs tàm dơ̆ pơrjum, Ƀộ trưởng Ƀộ Kwang àng ồng Tô Lâm đơs nền, broă tơn jơh 10 nam lơh jăt Kơrnoăt Dà lơgar 8 khoă XI geh bơta kwơ dờng màng ngan rlau jơh, kwơmàng ngan tàm tŭ tơngai broă gơlik geh tàm dunia, tàm kơnhoàl ù tiah rềp bal mờ tàm dơlam lơgar geh uă bơta gơ tam gơl uă ngan pơndrờm mờ 10 nam lài do, gơ tơlik ală jơnau sồr, bồ tơngoh kơlôi sơnơng, kơnòl broă pa tàm tŭ lam lơh jăt Broă lơh sền gàr Dà lơgar.

Ƀộ trưởng Ƀộ Kwang àng ồng Tô Lâm sồr ală anih lơh broă geh gơrềng mhar sồr sền swì tơngume jăt gơnoar broă, ngan là ală jơnau pơhìn, bơta lòng gơwèt mờ sền gàr lơngăp lơngai dà lơgar tŭ do, pơyua tus Mpồl duh broă sùm Mpồl đơng lam in nàng tơrgùm kờp, lơh sir jơnau cih tă pơgồp jơnau đơs bơh Ƀộ Kwang àng dê tàm Pơrjum gùt lơgar mblàng yal, lam lơh tơn jơh Kơrnoăt.

Cau mblàng Lơ Mu K’Yến