Ƀộ trưởng ồng Tô Lâm tơlik nùs nhơm pin dờn, ală kwang bàng Đại sứ, Kwang atbồ anih lơh broă ala măt lơgar Việt Nam tàm lơgar bơdìh geh ngui niam gơnoar kơnòl, là cau tơrbŏ bal nàng tơnguh bơtàu bơta git gơ̆p lơh broă bal mờ lơgar ndai đah lơgar Việt Nam mờ ală lơgar dê, tơnguh uă bơngă bơh lơgar Việt Nam tàm dunia mờ là anih kơl dìng kơl jăp bơh mpồl bơtiàn cau lơgar Việt Nam tàm lơgar bơdìh dê.

Ƀộ trưởng ồng Tô Lâm đơs niam broă sền gròi, pơgồp bal nền nòn mờ Ƀộ Ngoại giao ai broă lơh bal, bơta git gơ̆p bal mờ dunia bơh Ƀộ Kwang bàng tàm tơngai do; đơs nền broă lơh bal mờ lơgar ndai bơh mpồl Kwang àng gam pơn jăt tai tam gơl pa, geh uă cồng nha; kơ̆p kờñ Ƀộ Ngoại giao đơs bal mờ ală Đại sứ, Kwang atbồ Anih lơh broă ala măt lơgar Việt Nam tàm lơgar bơdìh đơs is pơn jăt tai sền gròi, dong kờl Ƀộ Kwang àng pờ ơnàng bơta git gơ̆p lơh broă bal mờ dunia.