VOV4.K’ho- Mho ngai 07/03, tàm Hà Nội, Đảng ủy Kwang àng dà lơgar, Ƀộ Kwang àng bơyai lơh Broă lơh tơngkah 112 nam Ngai Dunia Cau ùr (8/3/1910- 8/3/2022) mờ tìp măt kwang bàng ala măt cau ùr Kwang àng làng bol lòt Pơrjum dờng kwang bàng ala măt cau ùr gùt lơgar dơ̆ XIII.

Ƀộ trưởng Ƀộ Kwang àng ồng Tô Lâm pà bơkàu gờm chờ ală kwang bàng ala măt cau ùr kwang àng làng bol

Đơs tàm dơ̆ tìp măt, Ƀộ trưởng Ƀộ Kwang àng ồng Tô Lâm đơs loh, Đảng ủy Kwang àng dà lơgar, kwang bàng đơng lam bồ Ƀộ Kwang àng sùm pin dờn mờ kơ̆p kờñ, ală kâp Mpồl cau ùr tàm Kwang àng làng bol pơn jăt tai rơcăng lài, bơceh lơh tam gơl pa pràn kơldang tơngume, broă lơh broă, srơh. Lơh jăt ngan ngồn bơh ală broă, broă lơh, bơnah broă geh kwơ ngan, gơ jăt bal mờ broă lơh ờs mờng, dipal mờ bơta krơi is cau ùr dê; lơh jăt niam gơnoar broă tă pơgồp jơnau đơs ală broă lơh tài bơta gơguh jak cau ùr dê. Ƀộ trưởng Ƀộ Kwang àng ồng Tô Lâm kơ̆p kờñ, tơl nă kwang bàng, cau ùr tàm mpồl pal gĭt wă dipal bè gơnoar broă, kơnòl broă, bơta pal jăt lơh broă mờ jơh nùs, lơh is, tam klăc tus bal lơh ală broă lơh mpồl, lơh jăt niam srơh cau ùr, ai hơ̆ lơh jơnau kờñ lơh ngan pơđơl pràn, bơsram tàp mờ đơs nền să tờm he.

Cau mblàng Lơ Mu K’Yến