VOV4.K’ho - Mang òr (17/08), Đảng ƀộ, Gơnoar atbồ sơnah ƀòn Quán Thánh, quận Ba Đình, ƀòn dờng Hà Nội bơyai lơh ngai chờ “Gùt làng bol sền gàr bơta lơngăp lơngai Dà lơgar”.

Đại tướng Tô Lâm, Ƀộ trưởng Ƀộ Kwang àng geh jơnau đơs tàm dơ̆ pơrjum ngai chờ gùt làng bol sền gàr dà lơgar

Đại tướng Tô Lâm, Ƀộ trưởng Ƀộ Kwang àng tus mờ geh jơnau đơs tàm ngai chờ. 17 nam do, ngai chờ “Gùt làng bol sền gàr bơta lơngăp lơngai Dà lơgar” bơh sơnah ƀòn Quán Thánh neh geh lơh mờ uă tơngu me, mùl màl, geh cồng nha mờ bơta pràn gơrề bal geh uă, bơh tŭ hơ̆ geh ngui niam bơta pràn tơrgùm bal bơh jơh gùt mpồl cíñ trị tàm broă lơh jăt kơnòl sền gàr bơta lơngăp lơngai dà lơgar, sền gàr bơta niam ờ do ờ dă mpồl bơtiàn. Đơs tàm ngai chờ, Ƀộ trưởng ồng Tô Lâm neh dờp mờ đơs niam uă ală cồng nha mờ kwang bàng, làng bol kis tàm sơnah ƀòn Quán Thánh neh lơh geh tàm broă bơ̆t bơtàu broă lơh gùt làng bol tus bal sền gàr bơta lơngăp lơngai dà lơgar tàm tơngai do.

Ƀộ trưởng đơs là, bơh ală broă lơh Ngai chờ gùt làng bol sền gàr bơta lơngăp lơngai dà lơgar pà gŏ nùs nhơm chờ hờp, nùs nhơm tam klăc bal mờ broă kờñ bal, pin dờn bal bơh làng bol dê tàm broă đơng lam bơh ală kấp ủy đảng mờ gơnoar atbồ bal mờ mpồl Kwang àng sơnah ƀòn; làng bol geh tơnguh gơnoar lơh tờm, nùs nhơm bơceh mờ tus is tàm broă gùt làng bol sền gàr bơta lơngăp lơngai dà lơgar, lơh gơs bơta pràn dờng màng, pơgồp bal tàm broă gàr niam bơta lơngăp lơngai ờ do ờ dă tàm ală bơta gơlik geh.

Cau mblàng Ndong Brawl