Đại tướng ồng Tô Lâm, Kwang geh jơng tàm Ƀộ Cíñ trị, Ƀộ trưởng Ƀộ Kwang àng, Phó kwang atbồ mpồl Duh broă sùm Mpồl Đơng lam Lơngăp lơngai internet dà lơgar tus pơrjum, geh jơnau đơng lam pơrjum. Đơs tàm Pơrjum dờng, Ƀộ trưởng ồng Tô Lâm sồr, Mpồl tam klăc Lơngăp lơngai internet dà lơgar mờ ală kwang bàng pal ring bal jơnau git wă, nùs nhơm đơng lam geh sùm, ring bal bơh Đảng, Dà lơgar dê bè lơngăp lơngai internet tàm tơngai do; bơdìh broă pal sền wơl jơh ală bơta, cồng nha lơh jăt broă lơh mùl màl, gam pal lơh jăt di mờ ală nùs nhơm, jơnau kờñ, kơnòl broă, broă lơh kwơ màng neh geh Ƀộ Cíñ trị, Ƀan Ƀí thư tàm ală gah broă gơrềng bal.

Ƀộ trưởng ồng Tô Lâm pin dờn là, mờ gùng dà broă lơh mùl màl, khoa họk, Mpồl tam klăc geh tam klăc bal, ring bal, dùl nùs, lơh ngan lơh geh cồng nha Nghị quyết Pơrjum dờng kwang bàng gùt lơgar dơ̆ sơnrờp (tơngai lơh broă bơh nam 2023 tus 2028) neh geh ai, geh ală broă pơgồp bal niam, geh cồng nha tàm broă bơtàu tơnguh mhar, kơl jăp lơh sa, mpồl bơtiàn dà lơgar dê, pơgồp bal tàm broă sền gàr bơta lơngăp lơngai, bơta kwơ mờ gơnoar tờm ù tiah dà lơgar tàm internet dê.