VOV4.K’ho- Mho ngai 2/06, tàm Hà Nội, Đại tướng ồng Tô Lâm, Ƀộ trưởng Ƀộ Kwang àng neh wă ồng Shawn Perry Steil, Đại sứ pa drơng gơnoar broă lơgar Canada tàm Việt Nam, tus còp să di dơ̆ sơnđờm tơngai lơh broă tàm Việt Nam.

Ƀộ trưởng Ƀộ Kwang àng ồng Tô Lâm wă Đại sứ Canada tàm Việt Nam

Gờm chờ ồng Shawn Perry Steil at gơnoar broă lơh broă pa tàm Việt Nam, Ƀộ trưởng Ƀộ Kwang àng ồng Tô Lâm pà gĭt, gĭt gơ̆p Việt Nam mờ Canada pơn jat tai bơtàu tơnguh kơ̆ kơljap, geh ngan, lơh geh bàr pe cồng nha uă ngan tàm jơh ală gah cíñ trị- lơh broă mờ lơgar ndai, kă bro- bơcri priă, lơh broă bal bơtàu tơnguh, sền gàr dà lơgar- sền gàr bơta lơngap lơngai, bơta niam chài rơ gơi– bơto bơtê, khoa họk kông nghệ, tìp mat lơh kwèng làng bol. Ƀộ trưởng ồng Tô Lâm sồr, tàm tơngai tus, Đại sứ sền gròi sơlơ tơnguh gĭt gơ̆p đah Ƀộ Kwang àng Việt Nam mờ Ƀộ sền gàr lơngap lơngai lơgar Canada, Kảñ sát dà lơgar Canada mờ ală gah lơh broă bal 2 gah, uă lơgar nàng kờñ cribơyai yal tơngĭt jơnau drơng broă lơh broă rcang sơndră cau lơh tìs gan tiah nhàr lơgar, lùp khàu, lơh glài ală broă lơh tìs ngan ngồn.

Cau mblàng K’Hạnh