VOV4.K’ho- Mho ngai 16/06, Ƀộ trưởng Ƀộ Kwang àng ồng Tô Lâm wă ồng Nadav Eshcar, Đại sứ Dà lơgar Israel tàm Việt Nam tus còp tơngăc di dơ̆ tơn jơh tơngai lơh broă tàm Việt Nam. Tàm dơ̆ wă, Ƀộ trưởng ồng Tô Lâm gờm chờ ồng Đại sứ neh tơn jơh tơngai lơh broă tàm Việt Nam lơh geh cồng nha niam bơnĕ, pơgồp bơnah kwơmàng tàm broă chồl tơnguh mờ bơtàu tơnguh lơh broă bal đah 2 lơgar đơs bal mờ đah Ƀộ Kwang àng Việt Nam mờ ală anih lơh broă geh gơnoar Dà lơgar Israel dê đơs is.

Đại sứ Israel ồng Nadav Eshcar jơh nùs ưn ngài Ƀộ Kwang àng Việt Nam mờ Ƀộ trưởng Ƀộ Kwang àng ồng Tô Lâm neh lời ală nùs nhơm niam bơnĕ ngan rlau jơh ai dà lơgar Israel in mờ ai să tờm ồng in tàm tơngai lơh broă tàm Việt Nam, mờ nting săp kơ̆p kờñ bơta gĭt gơ̆p lơh broă bal đah Israel mờ Việt Nam ngai sơlơ bơtàu tơnguh mờ lơh geh uă cồng nha niam bơnĕ tàm jơh ală gah broă lơh.

Cau mblàng Lơ Mu K’Yến