VOV4.K’ho- Mho ngai 29/3, tàm Hà Nội, Đại tướng Tô Lâm, Ƀộ trưởng Ƀộ Kwang àng wă ồng Vladimir Baravikov, Đại sứ pa bơh lơgar Belarus dê tàm Việt Nam tus lùp còp di dơ̆ sơn đờm tơngai lơh broă tàm lơgar Việt Nam. Ƀộ trưởng Tô Lâm nting bơr ồng Đại sứ geh tơngai lơh broă tàm lơgar Việt Nam geh cồng nha, pơgồp bơnah chồl pràn lơh broă bal git gơp lơh bơyô đah 2 lơgar tus khà pa; kơp kờñ ồng Đại sứ pơn jat tai dong kờl mờ lơh rbàng tơrbŏ rề ơnàng git gơp lơh broă bal đah Ƀộ Kwang àng Việt Nam mờ ală anih lơh broă geh gơ rềng bơh Belarus dê.

Ƀộ trưởng Tô Lâm đơs nền, tàm ală nam do, git gơp lơh broă bal bè cíñ trị, lơh sa, niam chài, mpồl bơtiàn, lơngap lơngai, sền gàr dà lơgar đah 2 lơgar Việt Nam mờ Belarus ngai sơlơ geh tơnguh, gàr kơ̆ mờ bơtàu tơnguh; sồr 2 gah pơn jat tai lơh broă bal jơh nùs mờ tàm dong kờl bal mờ gơp tàm ală dơ̆ cribơyai dunia tàm tơngai tus, pơgồp bơnah tàm ring lơngai, kơ̆ kơljap tàm tiah do mờ tàm dunia.

Cau mblàng K’Duẩn