Gờm chờ ồng Đại sứ neh lơh gơs jăk chài kơnòl lơh broă tàm lơgar Việt Nam, Ƀộ trưởng ồng Tô Lâm đơs loh, Ƀộ Kwang àng dờp ală broă lơh pràn, lơh ngan bơh ồng Đại sứ dê neh pơgồp bal tàm broă lơh kơ̆ kơl jăp rơlao, bơtàu tơnguh bơta git gơ̆p tam klăc bal tơl ală bơta đah lơgar Việt Nam mờ lơgar Nhờk đơs bal, đah Ƀộ Kwang àng lơgar Việt Nam mờ ală anih lơh broă lơh jăt adăt boh lam lơgar Nhờk đơs is.

Nàng pơn jăt tai lơh pràn bơta git gơ̆p lơh broă bal đah lơgar Việt Nam mờ lơgar Nhờk tus tàm bơta pa, Ƀộ trưởng ồng Tô Lâm sồr bàr gah tơnguh uă bơta niam yal tơngit tàm pơgơl; lơh broă bal nền nòn tàm ală gah broă rơcang, tam dră ală bơta tìs lơngăp lơngai ờs mờng mờ ờ ờs mờng; dong broă, yal tơngit jơnau kwơ màng ai kwang đơng lam kấp dờng bàr lơgar in. Ồng Đại sứ gờm chờ bơta git gơ̆p lơh broă bal, lơh bơyô bal đah lơgar Việt Nam mờ lơgar Nhờk ngai sơlơ bơtàu tơnguh; đơs nền, tơnơ̆ mờ tŭ rê hờ lơgar tờm, bŭ lah lơh broă tàm gah broă lơi, at gơnoar broă lơi, geh pơn jăt tai sền gròi, lơh pràn nàng ai bơta git gơ̆p do ngai sơlơ nền nòn, kơ̆ kơl jăp rơlao.