Tàm dơ̆ wă, Ƀộ trưởng ồng Tô Lâm đơs nền, tơnơ̆ kòp Kovid-19, Ƀộ Kwang àng Việt Nam tơrgùm sền gàr niam bơta lơngăp lơngai cíñ trị, ring niam ờdo ờdă mpồl bơtiàn drơng lơh sa dà lơgar gơguh tơlir mờ bơtàu tơnguh lơh sa kơ̆ kơljap, ai lài bơtàu tơnguh lơh sa suơn sre hữu kơ, lơh gơlik uă bè phan bơh suơn sre, phan sa drơng tac hờ lơgar ndai in, sơlơ tơnguh tam gơl sồ tàm ală gah lơh sa mờ măi mok kuơmàng, ndrờm là ală gah geh uă tŭ niam ai mpồl lơh sa kă bro Nhờk in tus bal bơcri priă tàm Việt Nam.

Nàng pơn jat tai sơlơ tơnguh lơh broă bal ngan ngồn, geh cồng nha, bơtàu tơnguh tàm jơh ală bơta, ồng Tô Lâm sồr, tơngai tus, 2 gah sùm tam pà, tàm pơ gơl jơnau tơnggit, sơlơ tơnguh lơh broă bal tàm gah sền gàr adat boh lam, tam pà bal, tàm pơ gơl mờng chài tàm broă tam gơl sồ atbồ hàñ cíñ. Ồng Tô Lâm sồr đah lơgar Nhờk tò dong ală broă lơh lơh broă bal sền gàr ring lơngai Liên hợp quôk bơh Mpồl Kwang àng làng bol Việt Nam dê.