Tơnơ̆ mờ dơ̆ wă rò, bàr ƀộ trưởng bơyai lơh cri bơyai. Ƀộ trưởng Ƀộ Kwang àng lơgar Việt Nam ồng Tô Lâm đơs tờm, lơgar Việt Nam sùm sền kwơ bơta git gơ̆p lơh broă bal ờs mờng mờ lơgar Belarus.

Tàm tơngu me bơta git gơ̆p lơh broă bal niam bơnĕ đah Ƀộ Kwang àng lơgar Việt Nam mờ Ƀộ Bơta jal mhar lơgar Belarus dê, tàm dơ̆ cri bơyai, bàr gah neh ring bal, tơnơ̆ mờ tŭ kĭ hơ bal jơnau Ring bal lơh broă bal đah Ƀộ Kwang àng lơgar Việt Nam mờ Ƀộ Bơta Jal mhar lơgar Belarus, geh bơ̆t bơtàu broă rơndăp lơh mùl màl nàng lơh jăt ală tơngu me, broă lơh bal mùl màl đah bàr anih lơh broă nàng lơh pràn mờ tơnguh rơlao tai bơta git gơ̆p lơh broă bal đah bàr ƀộ. Mờ tơnguh broă tam gơl mpồl kwang bàng ală kấp bè lơh broă bal geh tam pà bal broă mờng chài, lơh broă, yal lài mờ rơcang sơndră mờ ală bơta jal mhar. Cri bơyai broă mờng chài lơh Anih yal lài ồs sa gờñ mờ rềs àr bơh trồ tiah. Yal, cri bơyai bal, jào kông nghệ, pơgồp bal lơh ală phan rơcang sơndră mờ crùh ồs sa bal mờ dong klàs cau gơtìp rềs àr pa. Tam pà jơnau tơngit nàng bơtơl lơh gơs sră nggal adăt boh lam bè rơcang sơndră mờ crùh ồs sa mờ dong klàs cau gơtìp rềs àr.