VOV4.K’ho- Ngai 09/03, tàm Hà Nội, Đại tướng Tô Lâm, Ƀộ trưởng Ƀộ Kwang àng neh wă rò Mpồl ală mpồl lơh sa kă bro kâp dờng, Mpồl duh broă kă bro Mỹ mờ ASEAN bơh ồng Ted Osius, Củ tịc mơkung là Kwang ătbồ dờng lơh Kwang ătbồ mpồl lam bồ gam geh dơ̆ còp mờ lơh broă tàm Việt Nam.

Tàm dơ̆ wă, Ƀộ trưởng Ƀộ Kwang àng, ồng Tô Lâm đơs bơta gĭt gơp đah Việt Nam mờ Mỹ gam tàm gùng bơtàu tơnguh niam bơnĕ. Bal mờ bơta bơtàu tơnguh bơta gĭt gơ̆p cíñ trị, lơngăp lơngai- sền gàr dà lơgar, lơh broă bal lơh sa- kă bro, bơcri priă neh mờ gam lơh geh ală cồng nha pal cih dờp, gơ gơs là broă tờm, bơnàng jă, bơta gơn kơnờm ai bơta gĭt gơ̆p đah 2 lơgar in. Ƀộ trưởng ồng Tô Lâm đơs nền gùng dà ờ tŭ lơi tam gơl bơh Cíñ phủ Việt Nam dê là gàr niam bơta kơ̆ kơl jăp ai ală cau bơcri priă lơgar ndai in, tàm hơ̆ geh ală mpồl lơh sa kă bro lơgar Mỹ mŭt lơh sa jŏ jòng tàm Việt Nam.

Cau mblàng Lơ Mu K’Yến