Chờ gờm ồng Ogata Yoshimi mờ ală kwang bàng tus Pơrjum cri bơyai Sền gàr bơta lơngăp lơngai kấp Thứ trưởng đah lơgar Việt Nam mờ lơgar Nhờk dơ̆ 7, Ƀộ trưởng ồng Tô Lâm đơs tờm, Cri bơyai Sền gàr bơta lơngăp lơngai kấp Thứ trưởng đah lơgar Việt Nam mờ lơgar Nhờk dơ̆ 7 neh ai geh bơta ƀuơn ai ală kwang bàng lơh broă gah sền gàr bơta Lơngăp lơngai, Kảñ sát Ƀộ Kwang àng Việt Nam mờ Anih lơh broă Kảñ sát dà lơgar Nhờk cri bơyai, song dơ pă, hơ wơl bè ală bơta mờ bàr gah mùl màl geh sền gròi.

Ƀộ trưởng ồng Tô Lâm sồr ală mpồl lơh broă geh gơnoar bơh bơh Ƀộ Kwang àng lơgar Việt Nam mờ Anih lơh broă Kảñ sát lơgar Nhờk tơngai tus geh sền kwơ, tơrgùm lơh geh cồng nha uă ngan bơsong ală broă bè cau tìs gơlik geh tàm broă lơh bal đah bàr lơgar ngai sơlơ jrô ơnàng, gàr niam bơta lơngăp lơngai dà lơgar, niam mpồl bơtiàn, sền gàr bơta lơngăp lơngai gơnoar mờ bơta kwơ di mờ adăt boh lam bơh làng bol, ală mpồl lơh sa kă bro lơgar Việt Nam mờ lơgar Nhờk tàm tơl lơgar dê.