VOV4.K’ho- Mho ngai 27/04, tàm Hà Nội, Đại tướng ồng Tô Lâm, Ƀộ trưởng Ƀộ Kwang àng, neh wă rò ồng Gunnar Wiegand, Kwang ătbồ Vụ drơng kơnòl broă câu Á- Thái Bình Dương, Anih lơh broă mờ lơgar ndai câu Âu dê gam geh dơ̆ lòt còp mờ lơh broă tàm Việt Nam.

Đơs tàm dơ̆ wă, Ƀộ trưởng Ƀộ Kwang àng ồng Tô Lâm sồr, tơngai tus, Mpồl tam klăc câu Âu pơn jăt tai yal tơngĭt bal bơta mờng chài bè sền gàr lơngăp lơngai internet gơwèt mờ ală phan bơna yal tơngĭt jơnau tờm kwơmàng ngan, mờng chài ătbồ sră nggal jơnau yal tơngĭt gan tiah nhàr lơgar, broă sền gàr sră nggal yal tơngĭt jơnau tàm bàr pe gah broă lơh kwơmàng; sơlơ cribơyai, tàm yal tơngĭt bal bơta kơlôi sơnơng, tus bal lơh mờ lơh sir gơs tơngume kơrnoăt boh lam dà lơgar bè lơngăp lơngai internet, broă gơnoar tờm ù tiah dà lơgar tàm anih internet, tam lơh internet.

Ồng Gunnar Wiegand đơs sùm, gĭt gơ̆p lơh broă bal đah Mpồl tam klăc câu Âu mờ Việt Nam gam bơtàu tơnguh ờ mìng ơm wơl tàm lơh sa, kă bro, bơcri priă lơm mờ gam là lơh broă bal cíñ trị, lơh broă mờ lơgar ndai, lơngăp lơngai tai- là ală jơnau gơcèng bơta jŏ jòng.

Cau mblàng Lơ Mu K’Yến