Tơnơ̆ dơ̆ bơyai lơh wă rò tơn, bàr nă Ƀộ trưởng bơyai lơh tìp măt cribơyai. Chờ hờp wă rò Mpồl ala măt Kwang bàng kâp dờng Ƀộ Kwang àng lơgar Kộng hoà Cuba lòt còp ngan ngồn mờ lơh broă mờ Ƀộ Kwang àng lơgar Việt Nam, Ƀộ trưởng Ƀộ Kwang àng ồng Tô Lâm đơs wih đơs wơl, tềng đăp bơta broă lơh cau lơh tìs dê, ngan là cau lơh tìs gan tiah nhàr lơgar, cau lơh tìs măy mok pa mờ ală cau lơh tìs ndai ờ hềt tŭ lơi geh bơh lài, ngai sơlơ rơlăc rơliang mờ kal ke ngan tam dră wơl, broă rề ơnàng mờ sơlơ tơnguh tai lơh broă bal đah Ƀộ Kwang àng lơgar Việt Nam mờ Ƀộ Kwang àng lơgar Kộng hoà Cuba sơlơ gơ gơs jal mhar ngan rlau jơh tài bơta kwơ mờ lơngăp lơngai dà lơgar tơl lơgar dê. Tàm dơ̆ cribơyai, bàr gah neh ring bal, là: Sơlơ tàm yal tơngĭt bal bơta mờng chài, ai pà phan bơna mờ bơto bơtê tơnguh uă bơta pràn jak ai sỹ quan rơcăng gàr lài in, ngan là ală bơta chài sền gàr bè rơcăng sơndră lài, gŏ, kơryan jơnau jòi kai sò tơm iơh bơsak...; Lam lơh lơh broă bal kơlôi sơnơng lơh gơlik ală bơta sơnơm, vaccine, cế phẩm siñ họk, tàm hơ̆ geh ală bơta sơnơm neh kơlôi sơnơng gơtùi mờ ai ngui nàng sơm kòp ai cau kòp tàm lơgar Cuba in...