Ƀộ trưởng ồng Tô Lâm đơs loh, tàm mờr 70 nam do, gĭt gơ̆p lơh bơyô bal lơh broă bal đah Việt Nam mờ Indonesia sùm bơtàu tơngguh pràn kơldang, ngan  là bơh tŭ 2 gah tơnguh gơnoar broă gĭt gơ̆p gơguh tus Tam klăc lơh broă bal jŏ jòng  tàm nam 2023, Ƀộ Kwang àng lơgar Việt Nam mờ Kảñ sát dà lơgar Indonesia jơh nùs sơlơ tàm yal tơnggĭt bal jơnau rơcăng lài, tam dră mờ cau lơh tìs, pơgồp bal sền gàr niam lơngăp lơngai, sền gàr niam ai làng bol 2 lơgar ơm kis mờ lơh broă tàm ù tiah dà lơgar he dê; pơn jăt tai gàr sùm lơh broă bal tàm mpồl uă gah Asean bè rơcăng lài, tam dră mờ cau lơh tìs gan tiah nhàr lơgar, Pơrjum Ƀộ trưởng Asean bè broă ma túy, Pơrjum Gah đơng lam Kảñ sát ală lơgar Asean…

Nàng sơlơ tơnguh tai mờ tơngguh tai bơta gĭt gơ̆p lơh broă bal kơnhăp rlau tai đah Ƀộ Kwang àng lơgar Việt Nam mờ Kảñ sát dà lơgar Indonesia, Ƀộ trưởng ồng Tô Lâm sồr 2 gah pơn jăt tai sơlơ tàm pơgơl ală mpồl kwang bàng đơng lam bồ kâp dờng lòt còp bal mờ gơ̆p, lơh sùm broă lơh Tìp măt tơm bơh bơr gah broă lơngăp lơngai kâp Thứ trưởng đah Ƀộ Kwang àng lơgar Việt Nam mờ Kảñ sát dà lơgar Indonesia.