Đơs tàm dơ̆ lơh broă, Ƀộ trưởng Tô Lâm chờ gờm, jờng rơ ngan ală cồng nha mờ Đảng ƀộ, gơnoar ătbồ mờ làng bol càr Ninh Bình neh lơh geh tàm tơngai lài. Ƀộ trưởng Tô Lâm sồr càr Ninh Bình pơn jăt tai jăt nền bơta đơng lam, sồr lơh bơh Đảng Dà lơgar, Cíñ phủ, Quôk hội dê, ngan là lam lơh jăt geh cồng nha Kơrnoăt 30 bơh Ƀộ Cíñ trị dê bè bơtàu tơnguh lơh sa- mpồl bơtiàn, sền gàr niam dà lơgar, lơngăp lơngai tiah ring dà dờng Hồng tus nam 2030, broă rơndăp lơh tus nam 2045.

Gơ wèt mờ broă lơh jăt kơnòl broă bơtàu tơnguh lơh sa- mpồl bơtiàn, Ƀộ trưởng Tô Lâm sồr càr Ninh Bình pal sền gròi bơtàu tơnguh lơh sa mờ măy mok, gơhòi gơ jà bơcri priă, lòt nhơl mờ drơng broă. Ngui niam, ai tơl bơta pràn, hòi tơrgùm bơta pràn làng bol nàng bơ̆t bơtàu bơtàu tơnguh lơh sa- mpồl bơtiàn bơh tiah he dê.