Tàm dơ̆ wă, nàng lơh pràn rơlao tai bơta git gơ̆p bal đah bàr lơgar Việt Nam mờ lơgar Mỹ đơs bal mờ git gơ̆p lơh broă bal đah Ƀộ Kwang àng mờ ală gah lơh broă lơgar Mỹ đơs is, Ƀộ trưởng Tô Lâm sồr bàr gah pơn jăt tai lơh broă bal nền nòn, gờñ geh ală broă lơh mùl màl; geh ală broă lơh, gùng dà broă lơh bal di pal, mùl màl tàm ală gah broă nàng lơh geh cồng nha ală jơnau hơ tàm broă lơh git gơ̆p Tam klăc bal jŏ jòng tơl ală bơta neh geh kwang đơng lam kấp dờng bàr lơgar ring bal di tàm dơ̆ tus còp bơh Kwang atbồ lơgar Mỹ Joe Biden tus lơgar Việt Nam pa do dê.

Ưn ngài Ƀộ trưởng Tô Lâm neh ai tơngai wă mpồl kwang bàng, Đại sứ lơgar Mỹ Marc Knapper đơs nền, Đại sứ lơgar Mỹ geh pơn jăt tai pơgồp bal, lơh broă bal nền nòn mờ ală mpồl lơh broă geh gơnoar bơh Ƀộ Kwang àng lơgar Việt Nam nàng lơh geh mùl màl mờ geh cồng nha ală tơngu me lơh broă bal bàr gah geh sền gròi bal, tàm hơ̆ uă ngan là ală tơngu me lơh broă bal neh geh kwang đơng lam kấp dờng ring bal jăt broă lơh Tam klăc bal jŏ jòng tơl ală bơta đah lơgar Việt Nam mờ lơgar Mỹ tài bơta ring lơngai, lơh broă bal mờ bơtàu tơnguh kơl jăp.