Đơs tàm dơ̆ tìp mat, Đại tướng ồng Phan Văn Giang jờng rơ ală tă pơgồp bơh Anih lơh broă ala mat dê tàm broă chồl tơnguh bơta git gơp đah Việt Nam mờ Nga; mờ kung ưn ngài bơta sền gròi, pơgồp bal jơh nùs bơh Ƀộ Cribơyai broă mờ lơgar ndai đơs bal, Anih lơh broă ala mat lơgar Việt Nam tàm lơgar Nga đơs is, tàm hơ̆ geh gơnoar broă bơh Kwang atbồ Anih lơh broă ala mat lơgar Việt Nam tàm lơgar Nga dê tàm broă lơh kơ̆ kơljap, sơlơ tơnguh tai bơta git gơp sền gàr dà lơgar đah 2 lơgar. 

Đại tướng ồng Phan Văn Giang đơs nền, bơh bơta git gơp lơh bơyô ờs mờng niam bơnĕ, bơta lơh broă bal jŏ jòng tơl làm đah 2 lơgar, bơta git gơp lơh broă bal sền gàr dà lơgar đah Việt Nam mờ Nga pơn jat tai geh lam lơh geh cồng nha jat nùs nhơm “pin dờn, ngan ngồn, geh cồng nha, tơl làm” tàm jơh ală broă kuơmàng, lơh broă bal cíñ trị ling klàng, pơgồp bal tàm ală mpồl lơh broă, ală dơ̆ cribơyai uă lơgar bè ling klàng.