Tàm dơ̆ wă rò, ồng Bùi Thanh Sơn đơs nền, Việt Nam sùm sền dờng màng gĭt gơ̆p lơgar rềp bal lơh bơyô bal, tam klăc lơh broă bal jŏ jòng tơl làm mờ lơgar Lo, gĭt nền do là ai lài khà dùl tàm jơh ală gùng dà broă lơh lơh broă mờ lơgar ndai krơi is, rơcăng lài is, lơh bơyô mờ uă lơgar, lơh uă bơta gĭt gơ̆p bơh lơgar Việt Nam dê; ưn ngài càr Quảng Tây neh geh uă tă pơgồp nàng kờñ bơ̆t bơtàu ai nùs nhơm lơh bơyô bal đah bàr lơgar in, dong kờl uă ngan phan bơna, măy mok sơnơm tơm ba rơcăng sơndră kòp Kovid-19 ai Việt Nam in. Ƀộ trưởng Ƀộ Ngoại giao lơgar Việt Nam ồng Bùi Thanh Sơn sồr bàr gah sơlơ tơnguh tai ală dơ̆ lòt còp, tìp măt đah ală kâp, ală gah; lơh geh cồng nha ală mpồl lơh broă, broă lơh cribơyai, lơh broă bal gam geh tŭ do; sơlơ lơh uă broă lòt còp lơh kwèng bal lơh bơyô bal đah làng bol tàm tiah nhàr lơgar.