Tàm dơ̆ wă rò, 2  nă Ƀộ trưởng jờng rơ uă ngan bơta bơtàu tơnguh tơl làm mờ mut lơh broă ngan ngồn bơh bơta gĭt gơ̆p lơh broă bal lơh bơyô bal đah Việt Nam mờ Nhờk tàm uă gah, pơn rơ ngan là broă tơnguh gơnoar broă gĭt gơ̆p tus lơh broă bal kwơ màng tơl làm rài ring lơngai mờ sơlơ bơtàu tơnguh tàm câu Á mờ tàm dunia, bal mờ broă bơyai lơh rlau 500 broă lơh tơngkah kir sơnrai geh ngan, geh gơtha kwơ màng dơ̆ tơngkah kir sơnrai 50 nam lơh bơta gĭt gơ̆p cribơyai broă mờ lơgar ndai nam 2023 pa do.

Tàm tơngai tus, Ƀộ trưởng ồng Bùi Thanh Sơn sồr lơgar Nhờk sơlơ tơnguh lơh broă bal bơto bơtê mpồl cau lơh broă, ngan là mpồl cau lơh broă jak, bơto bơtê kwang bàng kấp dờng, bơto bơtê broă lơh, tơnguh khà pà priă bơsram jŏ tơngai mờ lơyah tơngai, bơto bơtê jơnau đơs dà Nhờk ai kơnòm bơsram, cau bơsram dờng lơgar Việt Nam in; dong kờl lơgar Việt Nam bơt bơtàu mpồl cau lơh broă tàm gah broă pa bè tam gơl sồ, tam gơl tơlir, bơto bơtê ờs mờng gah ƀán zẫn lơh geh jơnau kờñ bè tơngai tŭ do.