Mho ngai 11/08, mò Phạm Thị Thanh Trà, Kwang bàng Đảng dà lơgar, Ƀí thư mpồl đơng lam Đảng, Bộ trưởng Bộ Nội vụ bal mờ mpồl lơh broă neh geh dơ̆ lơh broă mờ Ủy ƀan Ñân zân càr Dăk Lăk bè cồng nha lơh jăt broă lơh gơwèt gah atbồ dà lơgar bơh gah Nội vụ tàm ù tiah càr Dăk Lăk dê bơh nam 2021 tus ngai 30/6/2023.

Tàm dơ̆ lơh broă, Bộ trưởng Bộ Nội vụ mò Phạm Thị Thanh Trà sơñio loh, tàm tŭ lam lơh jăt, càr Dăk Lăk gam geh uă bơta ờ hềt di pal tŭ ờ hềt geh dùl broă lơh tơl pràn nàng lơh broă rơndăp tăp sèng, tơrmù cau lơh broă sa priă nhai, gam kwi kwơ tàm broă rơndăp tăp sèng wơl mpồl lơh broă dà lơgar; dùl mpồl lơh broă dà lơgar, kông cứk gam geh uă bơta ờ hềt di pal, mpồl kwang bàng kông cứk kấp hơ đơm uă tiah gam ờ pràn, dùl mpồl kwang bàng geh tềl tơngŏ pleh pồn, rngòt kơnòl broă; gah tam gơl pa sră ngal ờ hềt niam. Bè ală broă lơh tàm tơngai tus, Bộ trưởng Bộ Nội vụ mò Phạm Thị Thanh Trà sồr càr Dăk Lăk lơh dùl broă lơh kràñ cê, niam bè bơtàu tơnguh mpồl kwang bàng lơh broă dà lơgar, tàm hơ̆ geh kwang bàng là làng bol kòn cau dùl ết nă cau, tơnguh gơnoar broă atbồ dà lơgar tàm bàr pe gah, ngan là tàm gah pin dờn jăt yàng mờ jơi bơtiàn.