Ƀộ trưởng mò Phạm Thị Thanh Trà pà gĭt, Việt Nam là lơgar geh uă gah pin dờn jăt yàng, mờ 16 gah jat Yàng, 36 mpồl jat Yàng, 24 tơlak nă cau jat yàng, geh 27% khà kờp làng bol; tàm hơ̆ cau jat yàng bàp là 7 tơlak nă cau. Ală gah pin dờn jat Yàng mờ cau jat Yàng tam klăc bal, lòt bal mờ jơi bơtiàn tàm broă lơh tam lơh dongklàs jơi bơtiàn  kung bè tàm broă lơh tam gơl pa, lơh sa mờ măi mok mờ măi mok lơh jơh lơm bè tŭ do. Ƀộ trưởng Ƀộ Nội vụ mò Phạm Thị Thanh Trà đơs nền, mờ kơnòl broă là anih lơh broă atbồ bè gah pin dờn jat Yàng, Ƀộ Nội vụ rơ̆p pơn jat tai sền gròi, pơgồp bal mờ Hội đồng Giám mục lơgar Việt Nam, lơh geh ală bơta ƀuơn ngan nàng ala mat lơh broă bơh Hìu Yàng bàp tàm Việt Nam dê lơh broă mờ lơh jat ală kơnòl broă kwơ màng tàm lơgar Việt Nam.

Tổng giám mục, Ƀộ trưởng Ngoại giao Hìu Yàng bàp ồng Paul Richard Gallagher pin dờn mpồl bơtiàn jat Yàng bàp Việt Nam rơ̆p geh uă tă pơgồp rlau tai tàm broă lơh bơtàu tơnguh Dà lơgar Việt Nam. Mơkung kơ̆p kờñ, mờ bơta geh mat bơh Ala mat lơh broă tàm lơgar Việt Nam sơn rờp bơh Hìu Yàng bàp tàm Việt Nam dê, bơta gĭt gơ̆p đah Hìu Yàng bàp mờ lơgar Việt Nam pơn jat tai geh ală broă lơh kwơ màng.