Đơs niam ală cồng nha broă lơh bơh kwang bàng, cau ling tàm Pôs ling sền gàr tiah nhàr dà lơgar Pò Hèn, Ƀộ trưởng Ƀộ Quốk phòng ồng Phan Văn Giang kơ̆p kờñ pôs ling pơn jăt tai tơnguh nùs nhơm niam cau ling Wa Hồ dê, lơh ngan tơmù ală kal ke lơh gơs niam ală kơnòl geh jào; lơh niam broă pơlam kấp ủy, gơnoar atbồ ƀòn lơgar bơ̆t bơtàu broă gùt làng bol sền gàr niam tiah nhàr dà lơgar bal mờ làng bol sền gàr tiah nhàr dà lơgar pràn kơl dang.

Tàm anih kah kơlôi ală cau Ling chơ̆t màng Pò Hèn, Đại tướng Phan Văn Giang bal mờ mpồl kwang bàng lơh broă neh chu ñàng, pơdơng bơkào kah kơlôi ală cau Ling chơ̆t màng neh phi să tàm dơ̆ tam lơh sền gàr tiah nhàr dà lơgar, tài broă sền gàr bơta krơi is, gơnoar tờm ù tiah Dà lơgar dê.