Dơ̆ cribơyai Măi mok- Mpồl ling klàng dunia nam 2023 là dùl tàm ală dơ̆ ràng tơlik phan tam lơh, rcang lài bơta chài dunia geh bơyai lơh dờng ngan rlau jơh tàm dunia bơh Bộ Quốk phòng lơgar Nga dê bơyai lơh pah nam bơh nam 2015 tàm Kông viên kờñ gơboh dà lơgar– Lơh rài bồ tơngoh Patriot (tiah bơdìh càr lơgar Moscow).

Lài hơ̆, Đại tướng ồng Phan Văn Giang bal mờ mpồl kwang bàng kấp dờng Bộ Quốk phòng lơgar Việt Nam kung neh tus còp Đại sứ quán Việt Nam tàm lơgar Nga. Đại tướng ồng Phan Văn Giang tơngŏ bơta kơ̆p kờñ tàm tơngai tus, kwang bàng, cau lơh broă tàm Đại sứ quán Việt Nam tàm lơgar Nga pơn jăt tai lơh jăt niam nùs nhơm tam klăc bal, bơceh lơh, jờng rơ nùs nhơm bồ tơngoh jak mpồl cau, lơh jăt niam kơnòl broă mờ Đảng, Dà lơgar dê jàu, pơgồp bơnah bơt bơtàu bơta gĭt gơ̆p lơh broă bal jŏ jòng tơl làm mờ lơgar Nga tàm ală gah, tàm hơ̆ geh lơh broă bal sền gàr dà lơgar.