Pơn jăt tai pơrjum dơ̆ 07, drim do (04/06), Quốk hội sơn đờm dơ̆ lùp mờ hơ jơnau lùp bơh ală Kwang bàng Quốk hội. Geh bơyai lơh tàm 02 ngai nggùl, dơ̆ lùp mờ hơ jơnau lùp tơrgùm tàm 04 mpồl broă gơwèt gah: Tài nguyên mờ Môi trường, Kông thương, Kờp sền, Niam chài – Tàp pràn să jan mờ Lòt nhơl.

Jăt broă lơh tàm pơrjum drim do, Ƀộ trưởng Ƀộ Tài nguyên mờ Môi trường ồng Đặng Quốc Khánh rơ̆p là cau sơnrờp ngan hơ jơnau lùp. Dơ̆ sơnrờp geh rơwah hơ jơnau lùp tềng đăp Quốk hội, Ƀộ trưởng Ƀộ Tài nguyên mờ Môi trường ồng Đặng Quốc Khánh geh lơh loh bè broă atbồ, lơh, sền gàr dà lềng dà lơgar. Bal mờ hơ̆ là broă lơh jăt gùng dà broă lơh, adăt boh lam bè dà; broă rơcang kơrian trồ prang, gơmŭt dà hang, ờ tơl, gơmù, ƀơ̆ dà. Broă kơlôi sơnơng, jòi sền, lơh, ngui phan kwơ geh is lơh phan bơ̆t bơtàu mờ phan geh is, phan geh is kwơ màng ờ hoan geh.