Tàm dơ̆ lơh broă, Ủy ƀan Ñân zân càr Dăk Lăk neh yal 18 broă gơrềng tus kal ke, kòl yal tàm broă lơh ătbồ dà lơgar bè phan kwơ geh is mờ tiah ơm kis. Tàm hơ̆, kòl yan uă ngan là ătbồ ù tiah geh bơh ù tiah lơh broă sa sươn sre brê bơnơm. Uă ngan bă ù geh bơh ù lơh broă sa sươn sre brê bơnơm jàu dờp wơl càr in tŭ do bơh Ủy ƀan Ñân zân kâp xã ătbồ.

Đơs pơndŭt dơ̆ lơh broă, Ƀộ trưởng Ƀộ Tài nguyên mờ Môi trường ồng Đặng Quốc Khánh, pà gĭt: mpồl lơh broă bơh ƀộ dê lơh broă mờ ală càr nàng kờñ tă bơsong ală kal ke, kòl yan ai ală càr in. Mờ ƀộ kung ai jơnau đơs bơh ală càr nàng gờñ cih, lơh sir Nghị địñ ai Adăt Ù tiah nam 2024 mŭt ngui tàm rài kis. Mìng is gơ wèt mờ broă kal ke ngan là ù tiah lơh broă sa sươn sre brê bơnơm, Ƀộ trưởng ồng Đặng Quốc Khánh sồr càr Dăk Lăk pal kờp sền wơl jơh ală mờ săc rwah nàng tŭ Adăt Ù tiah nam 2024 geh ai lơh jăt den gơtùi bơsong geh jơh uă bă ù do.