Jat jơnau yal, càr Gia Lai gam gơ tìp uă kal ke tài bơh ờ hềt ai lơh jat Kơrnoat lơh nền ngan ngồn ală bơta tam cah bơnah ù, ală bơta tơrgùm wơl ù jat tơl bơta ù dê mờ bă ù uă ngan rlau jơh geh tam cah is bơnah ù gơwèt mờ tơl bơta ù; ờ hềt geh jơnau bơto pơlam ngan ngồn broă lơh jat jơnau kờñ ngui ù brê tus jơnau kờñ ndai.

Càr Gia Lai dan mờ Cíñ phủ, Ƀan Ƀí thư bơsong broă làng bol sơgràm tam phan tàm ù brê gam geh bơh lài tus tŭ do. Sồr tam gơl broă lơh adat boh lam bè brê, ù tiah lơh jat jàu ù brê ờ hềt geh brê nàng lơh uă brê, tam brê. Đơs pơndŭt tàm dơ̆ lơh broă, Ƀộ trưởng Tài nguyên mờ Môi trường ồng Đặng Quốc Khánh sồr, tàm tơngai tus, Gia Lai pal sền gròi tus broă lơh atbồ ù tiah, bơsong broă ngui ù tiah gàr niam jat di rơndăp broă lơh mờ jơnau sồr bơh adat boh lam dê. Pơn jat tai lam lơh jat broă lơh lơh sră wăc sềr ù tiah, sră nggal ù tiah mờ ală jơnau yal ù tiah dùl bă geh cồng nha.