VOV4.K’ho- Di dơ̆ sa tềp bơhiàn dà lơgar dê Ñâm Zần 2022, ngai 16/01, Ƀộ trưởng, Củ ñiệm Ủy ƀan Jơi bơtiàn kòn cau ồng Hầu A Lềnh neh lòt còp mờ pà phan hìu bơnhă rbah, hìu bơnhă cíñ sác mờ cau geh bơngă pin dờn in tàm làng bol jơi bơtiàn kòn cau ùl êt nă cau tàm càr Bắc Kạn.

Tus còp kơnhoàl Ngân Sơn, càr Bắc Kạn, Ƀộ trưởng, Củ ñiệm Ủy ƀan Jơi bơtiàn kòn cau ồng Hầu A Lềnh neh jàu phan pà kờp priă 50 tơlak đong ai Kes priă Dong kờl bơsram bơh kơnhoàl dê. Tàm do, ồng Hầu A Lềnh kung neh pà 150 bơnah phan ai ală hìu bơnhă geh màng mờ dà lơgar in, hìu bơnhă cíñ sác, hìu bơnhă geh rài kis kal ke mờ cau geh bơngă pin dờn tàm làng bol jơi bơtiàn kòn cau dùl êt nă cau bơh càr Bắc Kạn dê. Lơh broă mờ kwang đơng lam bồ càr Bắc Kạn, ồng Hầu A Lềnh neh sồr càr pơn jăt tai lơh jăt niam ală broă lơh jơnau kờñ dà lơgar bè Broă lơh bơ̆t bơtàu Ƀòn lơgar pa, Broă lơh jơnau kờñ dà lơgar Tơrmù rƀah kơ̆ kơl jăp...sền gròi tus bơtàu tơnguh lơh sa gơ jăt bal mờ tơnguh uă bơta niam rài kis làng bol in.

Cau mblàng Lơ Mu K’Yến