VOV4.K’ho- Mho ngai 08/4, tàm Hà Nội, Đại tướng Tô Lâm, Ủy viên Ƀộ Cíñ trị, Ƀộ trưởng Ƀộ Kwang àng neh wă Trung tá Pedro Soca Pascual, ala mat Ƀộ Nội vụ lơgar Cuba tàm lơgar Việt Nam. Đơs tàm dơ̆ wă, Ƀộ trưởng Tô Lâm đơs nền, tơngai lài, bulah kòp Kovid-19 gơ rềng uă ngan tus broă lơh, broă rơndap lơh broă bal bơh 2 Ƀộ dê mơya 2 gah neh lơh ngan bơsong ală kal ke nàng lam lơh geh cồng nha 2, 3 broă lơh kuơmàng jat broă lơh pờ tơlik tàm internet mờ lơh tơn.

Ƀộ trưởng Tô Lâm đơs niam cồng nha lơh broă bal đah Ƀộ Kwang àng Việt Nam mờ Ƀộ Nội vụ Cuba tàm tơngai lài. Nàng lơh niam rlau tai git gơp lơh broă bal đah 2 ƀộ, Ƀộ trưởng Tô Lâm sồr 2 Ƀộ pơn jat tai lơh jat geh cồng nha ală tơngume lơh broă bal tàm Jơnau ring bal lơh broă bal đah Ƀộ Kwang àng Việt Nam mờ Ƀộ Nội vụ Cuba kĭ tàm nhai 11 nam 2017.

Cau mblàng K’Duẩn