VOV4.K’ho- Pơn jăt tai dơ̆ lòt lơh broă tàm ală càr Tây Nguyên, mho ngai 28/04, mpồl kwang bàng lơh broă bơh  Ủy ƀan Jơi bơtiàn kòn cau bơh Ƀộ trưởng, Kwang ătbồ Ủy ƀan Jơi bơtiàn kòn cau ồng Hầu A Lềnh lơh kwang ătbồ mpồl neh geh dơ̆ lơh broă mờ Ủy ƀan Ñân zân càr Dăk Lăk bè broă lơh broă kòn cau mờ lơh jăt broă dong kờl kòn cau; cồng nha lam lơh jăt broă lơh jơnau kờñ dà lơgar bơtàu tơnguh lơh sa- mpồl bơtiàn tiah làng bol jơi bơtiàn kòn cau dùl êt nă cau mờ tiah kơh bơnơm tơngai bơh nam 2021- 2025 tàm càr Dăk Lăk.

Ƀộ trưởng, Kwang ătbồ Ủy ƀan Jơi bơtiàn kòn cau ồng Hầu A Lềnh lơh broă tàm càr Dăk Lăk

Tơnơ̆ tŭ iăt kơno ală jơnau đơs tàm dơ̆ lơh broă, Ƀộ trưởng, Kwang ătbồ Ủy ƀan Jơi bơtiàn kòn cau ồng Hầu A Lềnh jờng rơ ngan ală broă lơh ngan bơh càr Dăk Lăk dê tàm tŭ lam lơh jăt ală broă lơh dong kờl kòn cau mờ tŭ tơngai lơh jăt ală broă lơh jơnau kờñ dà lơgar tàm tŭ tơngai do. Ƀộ trưởng sồr càr sền gròi rlau tai tus ală bơta is rơmis mùl gŏ bè bơta làng bol ơm kis nàng geh ală broă dong kờl dipal, geh cồng nha ai tơl tiah, tơl jơi bơtiàn in, jơh nùs lơh ngan, kràn cê jơh nùs lơh ală rơndăp broă lơh tờm kwơmàng là broă lơh jơnau kờñ.

Cau mblàng Lơ Mu K’Yến