Tàm dơ̆ wă, Ƀộ trưởng Bùi Thanh Sơn đơs nền lơgar Việt Nam sùm kơ̆p kờñ tơnguh bơta git gơ̆p lơh bơyô bal mờ lơh broă bal uă bơta mờ lơgar Ireland; pin dờn bơh dơ̆ tus còp geh bal mờ lơgar Ireland sền wơl, ring bal ală gùng dà broă lơh dờng nàng lơh pràn bơta git gơ̆p bal đah bàr lơgar bơtàu tơnguh tơl ală bơta mờ nền nòn rơlao tai, di pal mờ jơnau kơ̆p kờñ mờ bơta kwơ bơh Làng bol bàr lơgar dê.

Kwang atbồ lơgar Ireland Michael D. Higgins đơs nền, lơgar Ireland neh ai tơl bơta nàng mpồl bơtiàn cau lơgar Việt Nam kis gơrờm bal mờ bơsram sră kơl jăp, pơn jăt tai lơh gơnoar tơrbŏ bal tàm bơta git gơ̆p lơh bơyô bal đah bàr lơgar dê. Bàr kwang đơng lam ring bal bè broă bàr lơgar lơh pràn broă pơgồp bal mờ kờñ bal tàm ală pơrjum cri bơyai uă lơgar, bơsong ală broă tam lơh, tam phà mờ broă lơh ring lơngai, di pal mờ Sơnoa bơh lam bơh Liên hợp quốk mờ adăt boh lam dunia dê.