VOV4.K’ho- Ƀộ trưởng Ƀộ Ngoại giao ồng Bùi Thanh Sơn neh cribơyai tàm điện thoại mờ Ƀộ trưởng Ngoại giao pa lơgar Hàn Quôk dê ồng Park Jin. Tàm dơ̆ cribơyai tàm điện thoại, bàr nă Ƀộ trưởng dùl nùs bal pơgồp bal lam lơh jăt geh cồng nha broă lơh tàm pơgơl mpồl mờ tìp măt kwang bàng kâp dờng mờ ală kâp bơh uă broă lơh ngac ngar, sền gròi uă tơnguh lơh broă bal ngan ngồn gah broă lơh sền gàr dà lơgar mờ bơta lơngăp lơngai mờ ală mpồl lơh broă bal đah 2 lơgar mờ uă lơgar; hòi jà ală mpồl lơh sa kă bro lơgar Hàn Quôk sơlơ bơcri priă tàm ală gah broă lơh sa mờ măy mok kwơmàng bal mờ tàm jàu măy mok ai Việt Nam in.

Bè broă dunia mờ tàm tiah do, bàr gah dùl nùs bal pơn jăt tai lơh broă bal jơh nùs, tàm dong kờl bal mờ gơ̆p tàm broă bơsong ală broă dunia mờ kơnhoàl ù tiah do mờ 2 gah ndrờm sền gròi bal bè Liên hợp quôk, Asean mờ Hàn Quôk, Mekong mờ Hàn Quôk; gàr sùm bơta ring lơngai, kơ̆ kơl jăp, lơngăp lơngai, ờdo ờdă, lơh broă bal mờ bơtàu tơnguh tàm tiah dà lềng đah mat tơngai lik.

Cau mblàng Lơ Mu K’Yến