VOV4.K’ho- Mho ngai 22/6, Ƀộ trưởng Ngoại giao ồng Bùi Thanh Sơn neh cribơyai tàm điện thoại mờ Ƀộ trưởng Ngoại giao lơgar Omal ồng Hamood Al Busaidi.

Ƀộ trưởng Ngoại giao ồng Bùi Thanh Sơn cribơyai tàm điện thoại mờ Ƀộ trưởng Ngoại giao Oman

Tàm dơ̆ cribơyai tàm điện thoại, 2 Ƀộ trưởng ring bal đơs bơta pràn lơh broă bal đah Việt Nam mờ Omal gam dờng ngan, kuơmàng là tàm ală gah lơh sa, kă bro, bơcri priă, lơh broă, lơh sa suơn sre, phan tàm dà, anih ơhò ơm tàm dà lềng... mờ kung cribơyai mờ ring bal uă broă lơh nàng gàr kơ̆ mờ tơnguh rlau tai cồng nha lơh broă bal đah 2 lơgar tàm tơngai tus. Nàng lơh gơlik bơta tam gơl ai lơh broă bal lơh sa in, 2 gah đơs nền bơta kuơmàng pal pơgồp bal lam lơh ală broă lơh hòi jà kă bro, bơcri priă, sơlơ tam pà jơnau tơnggit, tàm tơrbŏ bal mpồl lơh sa kă bro 2 lơgar, tơnguh mhar broă cribơyai kĭ ală jơnau ring bal lơh broă bal kuơmàng nàng kờñ lơh sir tơngume adat boh lam ai lơh broă bal 2 lơgar in.

Cau mblàng K’Duẩn