Bộ trưởng Ngoại giao ồng Bùi Thanh Sơn jờng rơ dơ̆ lòt còp là tềl tơngŏ niam ngan bơh bơta gĭt gơ̆p lơh bơyô bal mờ lơh broă bal niam bơnĕ đah Việt Nam mờ Bỉ, là tềl lời wơl kwơ màng tàm bơta gĭt gơ̆p 2 lơgar dê.

Bàr gah ring bal rơ̆p lơh geh bơta ƀuơn ƀoài ai broă lòt rê bơh làng bol 2 lơgar in nàng kờñ bơtàu tơnguh tìp mat lơh kuèng làng bol kung bè lơh broă bal lơh sa, kă bro mờ bơcri priă; pơn jăt tai lơh broă bal geh cồng nha tàm ală dơ̆ cribơyai uă lơgar mờ dunia, ngan là 2 lơgar pơgồp bal niam tàm Mpồl duh broă gơnoar kòn bơnus tơngai lơh broă bơh nam 2023-2025 tă pơgồp tàm broă lơh bal jăt gùng dà tơnguh uă cồng nha, song dơ pă, di pal, ring bal tàm nùs nhơm tìp mat cribơyai, lơh broă bal, ring bal ùr klau mờ sền dờng màng bal mờ gơ̆p.