VOV4.K’ho- Di dơ̆ lòt còp ngan ngồn lơgar Indonesia mờ đơng lam bal Pơrjum dơ̆ 4 Ủy ƀan lơh broă bal 2 gah Việt Nam mờ Indonesia (JCBC-4), drim ngai 20/7/2022, Ƀộ trưởng Ƀộ Ngoại giao ồng Bùi Thanh Sơn neh geh dơ̆ wă Kwang atbồ lơgar Indonesia ồng Joko Widodo tàm Gơlang Kwang atbồ lơgar Indonesia dê.

Ƀộ trưởng ồng Bùi Thanh Sơn đơs ngan nùs nhơm ờ tŭ lơi tam gơl bơh lơgar Việt Nam dê sùm sền dờng màng mờ kơ̆p kờñ bơtàu tơnguh rlau tai bơta gĭt gơ̆p lơh broă bal jŏ jòng mờ Indonesia; tơngŏ bơta pin dờn Indonesia geh at gơnoar broă geh cồng nha gơnoar broă Củ tịc G-20 dê; lơh jat geh cồng nha “Bơta wèt sền Indonesia nam 2045” gơ gơs là lơgar bơtàu tơnguh tàm tơngai tơngkah 100 nam crơng gơs dà lơgar tàm nam 2045. Ƀộ trưởng ồng Bùi Thanh Sơn tơngŏ bơta kơ̆p kờñ Kwang atbồ lơgar Indonesia kờñ 2 gah lơh pràn cribơyai mpồl kwang bàng, tìp mat cribơyai kwang bàng kấp dờng; tơrmù bơta kơryan mờ sơlơ tơnguh bơta gơguh lơh sa kă bro jat gùng dà di pal rlau tai.

Cau mblàng K’Hạnh