Tàm dơ̆ wă, Thủ tướng lơgar Hàn Quôk ồng Han Duck Soo jờng rơ uă ngan bơta gĭt gơ̆p Lơh broă bal jŏ jòng tơl làm đah 2 lơgar dê, tàm hơ̆ ai priă lơh geh bơh broă tăc phan mờ lơgar ndai kă bro 2 gah ngai sơlơ bơtàu tơnguh. Tàm nam 2022, neh geh rlau 700 nă làng bol lơgar Hàn Quôk tus lơgar Việt Nam lòt nhơl mờ tŭ do mpồl bơtiàn làng bol lơgar Hàn Quôk lơh broă lơh sa kă bro tàm lơgar Việt Nam ngai sơlơ gơguh.

Ƀộ trưởng ồng Tô Lâm, ưn ngài Thủ tướng lơgar Hàn Quôk neh lời tŭ jiơ nàng wă Mpồl, đơs nền, Việt Nam sùm sền lơgar Hàn Quôk là lơgar lơh broă bal kwơ màng lam lài tàm tơl gah broă lơh sa, cíñ trị, lơh broă mờ lơgar ndai, lơngap lơngai, sền gàr dà lơgar, ... tàm hơ̆ lơh broă sền gàr dà lơgar là tờm ngan tàm bơta gĭt gơ̆p  2 lơgar dê; đơs sùm lơgar Việt Nam kờñ bơta ring lơngai, kơ̆ kơljap tàm tiah do mờ tàm dunia, tàm hơ̆ geh bồt Triều Tiên.