Ƀí thư Thàñ ủy ƀòn dờng Trùng Khánh ồng Viên Gia Quân tơlik nùs nhơm chờ hờp tŭ geh wă rò Ƀộ trưởng ồng Tô Lâm mờ Mpồl kwang bàng ala măt kấp dờng Ƀộ Kwang àng lơgar Việt Nam tus còp ƀòn dờng Trùng Khánh. Ƀộ trưởng ồng Tô Lâm pà git, nam 2015, Cơl dŭ lơh broă Hòi jà kă bro sơnrờp ngan lơgar Việt Nam dê neh geh lơh tàm ƀòn dờng Trùng Khánh.

Ƀộ trưởng hòi jà bàr gah pơn jăt tai tơnguh broă lơh broă bal, tơnguh uă cồng nha mùl màl tàm ală gah lơh sa, kă bro. Tŭ do Kwang àng ƀòn dờng Trùng Khánh mờ Kwang àng ală càr, ƀòn dờng tàm lơgar Việt Nam neh geh uă broă lơh, lơh broă bal mờ geh cồng nha niam tàm ală gah broă. Ƀộ trưởng ồng Tô Lâm tơlik nùs nhơm kơ̆p kờñ mờ hòi jà kwang đơng lam ƀòn dờng Trùng Khánh pơn jăt tai ai tơl bơta niam anih lơh broă lơh jăt adăt boh lam tơnguh broă lơh broă bal mờ Kwang àng ală càr, ƀòn dờng tàm lơgar Việt Nam dê.