VOV4.K’ho- Mho ngai 22/04, Đại tướng ồng Tô Lâm, Ủy viên Ƀộ Cíñ trị, Ƀộ trưởng Ƀộ Kwang àng neh đơng lam pơrjum dơ̆ bàr Mpồl đơng lam tơn jơh Kơrnoăt Dà lơgar 08 khoă XI bè “Broă lơh sền gàr Dà lơgar tàm tŭ tơngai pa bơh Ƀộ Kwang àng dê”.

Đơs tàm dơ̆ pơrjum, Ƀộ trưởng ồng Tô Lâm đơs niam ngan bơta jơh nùs, lơh ngan pơđơl pràn bơh ală oh mi tàm Mpồl đơng lam dê, ngan là Duh broă sùm Mpồl đơng lam tàm tơngai pa do neh sơrbac mhar lơh sir jơh ală sră nggal kờñ pal geh nàng bơto pơlam kwang àng ală anih, ală tiah lơh jăt. Bè tơngume tơn jơh, Ƀộ trưởng ồng Tô Lâm sồr pal tơrgùm sền swì broă cíñ trị, lơh sa bơh dunia dê; ală jơnau pơhìn, bơta lòng pơhìn lơngăp lơngai dà lơgar bơh Việt Nam dê, lơh loh tàm 10 nam do, mpồl kwang àng làng bol neh bơsong geh ală broă lơi, ală broă lơi ờ hềt gơtùi bơsong; cồng nha lơh jăt ală jơnau đơs, gùng dà, kơnòl broă mờ broă lơh tàm Kơrnoăt Dà lơgar 08 khoă XI.

Cau mblàng Lơ Mu K’Yến